Portada
Gabinete
Recursos técnicos
Igualdade
Denuncias
Enlaces de Interese
Contacto
Sentenza
11/2/2019 SENTENZA
O fallo desestima o recurso de suplicación interposto pola mutua e por Cajamar, no que se expuxo que ao non constar que o traballador estivese sometido a presións de carácter laboral, nin conflito coa empresa ou cos compañeiros de traballo, debía prevalecer o criterio da voluntariedade da decisión do traballador pero desvinculándoa da realización do seu traballo.
HSE logo
31/1/2019 HEALTH AND SAFETY EXECUTIVE, HSE
A HSE, Inspección de Traballo británica, emitiu por primeira vez unha Censura Real (Crown Censure) contra si mesma por non seguir as medidas de control adecuadas, despois de que unha proba de presión de hidróxeno no seu laboratorio de Buxton deixase a un traballador con queimaduras graves.
Sentenza
29/1/2019 SENTENZA
O maxistrado titular do Xulgado do Social 8 de Bilbao, fallou unha sentenza na que considera como accidente laboral dun traballador o “incómodo ambiente de traballo” xerado dentro da súa empresa cara á súa persoa e que tiveron a súa orixe nas reclamacións salariais e de categoría que este expuxera e condena á empresa aseguradora, ao Instituto Nacional e á Tesourería da Seguridade Social e á empresa para responsabilizarse das súas consecuencias.
Sentencia accidente traballo
14/1/2019 SENTENZA
Recentemente o Xulgado do Social Número 1 de Zaragoza, determinou que a patoloxía de electrosensibilidade que padece un traballador foi orixinada única e exclusivamente pola súa actividade laboral e por tanto as incapacidades temporais IT) que tivo este traballador dende 2014 teñen carácter laboral e deben ser consideradas como Accidente de Traballo. Dita sentenza foi ratificada polo Tribunal Superior de Xustiza de Aragón
INSERM
11/1/2019 SAÚDE LABORAL
Un estudo realizado por un equipo do Institut National da Santé et da Recherche Médicale, Inserm, achega nova información sobre a asociación entre o traballo nocturno e o risco de cancro de mama, grazas á nova análise de cinco estudos para rastrexar a exposición ao traballo nocturno entre máis de 13.000 mulleres de varios países.
Fallo  xudicial
9/1/2019 SENTENZA
Os feitos que dan lugar a esta sentenza acaeceron cando un traballador recibiu a orde de acudir á empresa en día festivo e subir, xunto ao seu xefe, ao falso teito da nave, sen utilizar ningunha medida de prevención nin protección, caendo ambos de 6,35 metros por desprazamento dunha placa. O traballador sufriu lesións moi graves e reclamou civilmente contra a empresa, que foi condenada. A empresa presenta recurso para tentar implicar ao Servizo de Prevención Alleo na indemnización, alegando que o falso teito non estaba contemplado na Avaliación de riscos.
ECHA
4/1/2019 ECHA
En vigor dende o 1 de decembro de 2018, está dispoñible na Táboa 3 do Anexo VI do Regulamento CLP. A clasificación e o etiquetado armonizados de sustancias perigosas actualízase a través dunha ATP (Adaptación ao progreso técnico), que se publica anualmente pola Comisión Europea. A ECHA (Axencia Europea de Substancias e Mesturas Químicas) pon a disposición unha táboa en excel, que contén todas as actualizacións da clasificación e o etiquetado armonizado de sustancias perigosas (Táboa 3 do Anexo VI do Regulamento CLP)
Fallo  xudicial
18/12/2018 SENTENZA
O Consello de Sentenzas do Reino Unido ha publicado novas directrices para os xuíces que aumentarán as penas de prisión para as persoas condenadas por neglixencia grave por homicidio nun lugar de traballo. Trátase da primeira vez que se elaboran instrucións completas para os casos máis graves de homicidio involuntario.
Sentenza
17/12/2018 SENTENZA
Segundo sentenza do Tribunal Superior de Xustiza de Murcia, non se considera accidente de traballo a morte por infarto de miocardio dun enfermeiro que prestaba os seus servizos no hospital Virxe da Arrixaca de Murcia producida minutos despois de estacionar o seu coche no aparcadoiro do centro sanitario para iniciar a súa xornada laboral.
Tribunal Supremo
28/11/2018 SENTENZA
En marzo de 2015, o traballador, que prestaba servizos laborais para a empresa demandada como operario de mantemento de almazara, atopándose pola tarde no seu domicilio realizando tarefas de descarga de leña, comezou a sentir unha dor no brazo esquerdo, o cal persistiu durante toda a noite.
Sentenza
9/11/2018 SENTENZA -LEMBRA-
O Tribunal Supremo ten clarexado en que circunstancias unha empresa pode obrigar aos seus empregados a someterse ao recoñecemento médico. Un trámite que, tal e como consagra a Lei de Prevención de Riscos Laborais e en virtude do dereito á intimidade dos empregados, require normalmente do seu previo consentimento.
Sentencia accidente traballo
8/11/2018 SENTENCA
A Audiencia Provincial de Xaen ten confirmado a condea de 21 meses de cárcere para o propietario dunha empresa de Martos adicada á pintura de edificios, polo grave accidente laboral que sufriu un dos seus empregados. O traballador precipitouse dende o tellado da nave que estaba a pintar nun polígono industrial. A caída dende nove metros de altura foi dunha extraordinaria dureza, a resultas da cal o traballador resultou gravemente ferido e estivo case dous meses hospitalizado.
stop accidentes
7/11/2018 ACCIDENTE LABORAL
O Xulgado do Penal 2 de Motril acolle este venres o xuízo polo accidente laboral rexistrado en xullo de 2014 na fábrica de Ron Montero da localidade, que se saldou con tres traballadores feridos graves, un dos cales faleceu días despois nun centro hospitalario.
Amianto perigo
6/11/2018 AMIANTO
A Inspección de Traballo sancionou ao Metro de Madrid con 30.000 euros por non realizar exames médicos obrigatorios a todos os seus empregados para determinar se están afectados pola exposición prolongada ao amianto existente aínda na rede pública de transporte.
Fallo  xudicial
29/10/2018 RECORDATORIO SENTENZA
Aínda que desgrazadamente non é moi frecuente, segundo unha sentenza da Audiencia Provincial da Coruña, é posible que se abra un procedemento penal pola posta en perigo da vida ou integridade dos traballadores aínda no caso de que non ocorrese ningún accidente
Sentenza
24/10/2018 RECORDATORIO SENTENZA
A sentenza 02502/2013 da Sala do social do Tribunal Superior de Xustiza de Asturias, -en aplicación do que dispón o artigo 30.4 acerca de que os/as traballadores/as encargados da prevención gozan das mesmas garantías fronte ao despedimento que os representantes dos traballadores-, denegou o despedimento do Xefe de Prevención dunha empresa, declarándoo nulo.
Fallo  xudicial
23/10/2018 SENTENZA
A Generalitat de Cataluña gañou un litixio competencial contra a Fundación Estatal para a Prevención de Riscos Laborais (FEPRL) sobre accións e fondos económicos para a prevención de riscos laborais.
Sentencia accidente laboral
22/10/2018 SENTENZA
As limitacións, pola ausencia de xanelas que impide a ventilación natural, dunhas oficinas do Goberno Galego na provincia de Ourense levaron ao titular do Xulgado do Contencioso Administrativo 1 desta cidade, a recoñecer que unha funcionaria da Xunta de Galicia sofre síndrome de sensibilidade química múltiple, considerandoo accidente laboral.
Sentenza
9/10/2018 Sentenza
O Tribunal Supremo considerou como accidente laboral o desprendemento de retina sufrido por unha empregada da Seguridade Social mentres traballaba diante do ordenador. O tribunal estimou o recurso para a unificación de doutrina presentado pola traballadora, que sentiu molestias nos ollos e alteracións visuais cando realizaba as súas funcións diante do ordenador na oficina.
Tempo de traballo
8/10/2018 Psicosocial
Unha empresa neozelandesa dedicada á xestión de patrimonio realizou unha proba cos seus 240 empregados durante os meses de marzo e abril; durante ese tempo reduciron a catro días a súa semana laboral pero gañando o mesmo que se traballasen cinco días. Tras asegurar que o experimento foi un éxito, a empresa decidiu implantar o novo horario de maneira definitiva.
Sentenza
5/10/2018 Sentenza
O Xulgado do Penal Tres de Albacete condenou a tres homes como responsables dun delito contra os dereitos dos traballadores, a unha pena de seis meses de prisión e multa de 2.400 euros cada un deles, así como por un delito de lesións imprudentes a outros seis meses de cárcere. Así mesmo, deberán indemnizar ao traballador accidentado con 110.000 euros. A sentenza suspende polo prazo de dous anos a execución das penas de 12 meses de prisión dos tres condenados, quedando condicionada a que os penados non volvan delinquir no prazo indicado.
Sentencia accidente traballo
2/10/2018 SENTENZA
O Xulgado do Social número 6 de Bilbao recoñeceu como accidente laboral un infarto cerebral sufrido por un traballador mentres se atopaba no lugar de traballo; a mutua negou dita condición alegando que o ictus se derivaba dunha enfermidade común. A sentenza falla a favor do demandante e recoñece o proceso de incapacidade temporal iniciado ao declarar o accidente vascular como unha continxencia profesional.
Cando o corpo di basta
5/9/2018 SAÚDE LABORAL
Os accidentes por sobreesfuerzo físico e mental son a principal causa de baixa laboral no Estado. En 2017 os accidentes laborais con baixa por sobreesfuerzo físico ou mental no traballo —é dicir, o esforzo que supera os límites que permiten a un empregado volver ao día seguinte na mesmas condicións— afectaron a 191.397 traballadores, segundo as cifras provisionais do Ministerio de Traballo. Estes datos representaron o 38% do total, aínda que para a Asociación de Mutuas de Accidentes de Traballo a porcentaxe descende catro puntos. É a principal causa en España de baixa laboral e no últimos dez anos esa porcentaxe moveuse entre o 36,7% e o 39,8%.
Robots empresas
1/8/2018 SAÚDE LABORAL
Segundo un estudo elaborado polo Grupo Adecco, xestión de recursos humanos, e o Instituto Cuatrecasas de Estratexia Legal en RRHH, o 88% dos profesionais de recursos humanos enquisados cre que a robótica terá unha incidencia alta ou moi alta no mercado laboral nos próximos anos; ademais o 78% sinala que este posible impacto producirase a medio e longo prazo.
Sentencia accidente laboral
12/7/2018 SENTENZA
O Tribunal Supremo estima o recurso de casación para a unificación de doutrina interposto por unha traballadora que sentiu molestias nos seus ollos e alteracións visuais cando realizaba as súas funcións diante do computador na oficina, estimando que debe ser considerado un accidente laboral ao tratarse dunha lesión súbita que se produciu en lugar e tempo de traballo.
Fallo  xudicial
5/7/2018 SENTENZA
A sentenza, ditada polo Xulgado do Social núm. 7 de Bilbao, conclúe o abandono empresarial na prevención, facilitando que o empregado puidese ser obxecto dun ataque coordinado e planificado á saída do centro de traballo, ademais de ser ameazado de morte polos individuos que lle agrediron.
corazón
26/6/2018 Psicosocial
Nun estudo levado a cabo por investigadores da Facultade de Saúde e Benestar da Universidade de Jönköping (Suecia), revela que as persoas que padecen estrés laboral teñen un risco un 48% superior de padecer fibrilación auricular e, polo tanto, unha maior probabilidade de acabar sufrindo un infarto ou un ictus.
Estres laboral
20/6/2018 Psicosocial
Estas son parte das conclusións do Informe Anual 2017 InfoJobs–ESADE sobre el Estado del Mercado Laboral a partires dos datos extraídos dunha enquisa realizada a un mostra representativa da poboación activa no Estado español e a máis de mil empresas. En torno a un 50% da poboación activa ocupada indica que está estresada; as persoas que declararon estar estresadas indicaron que o motivo principal éra o volume e o ritmo de traballo (un 57%), seguido da presión, (o 44%) e o nivel de responsabilidade (un 28%). Outras causas que tamén aparecen destacadas na enquisa son as responsabilidades ou roles pouco claros (un 27%) e a desmotivación polo traballo desempeñado (23%).
Sentenza
14/6/2018 Sentenza
O Xulgado do Social Nº 10 de Bilbao, condenou ao Departamento de Xustiza do Goberno Vasco a indemnizar a un funcionario dun xulgado por danos físico-psicolóxicos e morais sufridos a consecuencia dun conflito que tivo lugar no centro de traballo, por non contar cun plan de riscos laborais para atallar a situación. Na sentenza o xuíz considera que existe “responsabilidade por danos e prexuízos” do departamento vasco de Xustiza derivada do “incumprimento” da Lei de Prevención de Riscos Laborais.
lexislación
7/6/2018 Comisión de Emprego e Seguridade Social
Esta reclamación consta nunha proposición non de ley aprobada pola Comisión de Emprego e Seguridade Social da Cámara Baixa, ante o incremento da sinistralidade laboral. O texto aprobado tamén solicita a incorporación na Ley de Prevención de Riscos Laborais dunha perspectiva de xénero e a potenciación dos servizos de prevención propios fronte aos servizos de prevención alleos.
Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais