Portada
Gabinete
Recursos técnicos
Igualdade
Denuncias
Enlaces de Interese
Contacto
2/10/2018
Facebook Twitter Google Plus Chuza Menéame del.icio.us
compartir

O xulgado recoñece un ictus como accidente laboral

SENTENZA
O Xulgado do Social número 6 de Bilbao recoñeceu como accidente laboral un infarto cerebral sufrido por un traballador mentres se atopaba no lugar de traballo; a mutua negou dita condición alegando que o ictus se derivaba dunha enfermidade común. A sentenza falla a favor do demandante e recoñece o proceso de incapacidade temporal iniciado ao declarar o accidente vascular como unha continxencia profesional.

O demandante traballaba como oficial de primeira desempeñando labores de limpeza viaria a pé e de condutor de camión para recollida de enseres en vía pública. Tras o ictus, a mutua emitiu un informe con relación ao suceso no que resolvía que «o ictus sufrido polo traballador derivaba dunha enfermidade común e por tanto non o consideraba como accidente de traballo».

A sentenza recoñece como «tempo asimilable ao do traballo o tempo destinado para equiparse ou desprenderse do equipo necesario para realizar a actividade laboral, dado que os primeiros síntomas, que posteriormente derivaron nunha hospitalización, reflectíronse no vestiario do centro de traballo onde accedeu tras unha xornada calorosa e tras terminar a súa actividade, empezando a sentirse indisposto nos vestiarios», sostén o tribunal.

 

Fonte: El Correo

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais